HStAOrient5a: 60v

iken necesdür. Pes ġılaẓ‑i ṭahāret ġılaẓ‑i necāset ḥasebi // üzre oldı. İʿtirāż olınur ki ṭaraf‑i Şāfiʿīnden // iʿtirāż olınur ki ḫurūc‑i necesüñ vücūb‑i ṭahāretde // teʾs̱īri yoqdur zīrā ṭahāret teʿabbüd‑i maḥżdur ve ʿilleti maʿqūl // olmaġla degüldür. Meẕī mūcib‑i ṭahāret olmaqdan neces olmaq // lāzım gelmez. Zīrā ki namāzda qahqaha Ebū Ḥanīfe qatında mūceb‑i [naqż-i] // vużūdur maʿa hāẕā neces degüldür. Ve nite‑kim ḫurūc‑i veled ve ḫaṣāt‑i // ḫuşk mūcib‑i ṭahāretdür ammā neces degüldür. Ve Şāfiʿī // eyidür ki menī‑i ādemī aṣl‑i pākdan mütevelliddür ki insāndur ve mādde‑i // cism‑i pākdur ki veleddür. Pes nefsinde daḫı şeyʾ‑i ṭāhirdür // beyża‑i murġa qıyās olınur. İʿtirāż: Cānib‑i Ḥanefīyeden // iʿtirāż olınur ki ʿalaqa bi‑l‑icmāʿ necesdür maʿa hāẕā aṣl‑i // pākdan munfaṣıl ve mādde‑i aṣl‑i pākdur. Ve ʿillet necāset‑i dem // olduġıdur. Pes menīnüñ daḫı ḫod aṣlı demdür. // Nihāyet āteş‑i şehvet ile beyāż olmışdur. Nite‑kim // kil‑i surḫ taṣʿīd‑i āteş ile sefīd olur. Sebeb budur ki // eger cimāʿda [iks̱ār ve] ifrāṭ olınsa menī qan renginde nāzil olur. // Pes lāyıqdur ki neces olur. Temme l‑cevāb. Ammā iʿtirāż‑i // Şāfiʿīde ṭahāret teʿabbüd‑i maḥżdur dėdügi gendü aṣllarına